|
Jean-Claude Juncker: Prinzipiell gëllt, datt d’lëtzebuerger Regierung der Meenung ass, datt mir eis a Saache gemeinsam Bemiessungsgrondlag fir Betribsbesteierung mussen an Europa openeen zoubewegen. Elo muss een am Detail studéieren, wat fir Implikatiounen datt déi Kommunikatioun vun der Kommissioun fir Lëtzebuerg huet. An da wäerte mir dozou Stellung bezéien.
Michel Delage: Ass dat an Ären Aen och e Wee fir d’Betribssteieren an d’Lut ze setzen, wéi Irland dat vläicht fäert?
Jean-Claude Juncker: Dat ass net onbedéngt e Wee fir d’Betribsbesteierung an d’Lut ze setzen. Et ass e Wee, fir am Kader vun enger besserer Koordinéierung vun der Wirtschaftspolitik an der Eurozon zu méiglechst gemeinsame Besteierungsgrondlagen an der Eurozon ze kommen.
|
